İslamazeri.az "euronews"-a istinadən xəbər verir ki, Birmingem Universitetindən verilən açıqlamada tarixi əlyazmaların kitabxanada fərqinə varılmadan təxminən bir əsr boyunca qaldığı açıqlanıb. Yaxın Şərq kitab və sənədləri arasında unudulan əlyazma bir doktorantura tələbəsinin araşdırması əsnasında təsadüfən tapılıb. Oksford Universitetində karbon testi edilən əlyazmaların qoyun, ya da keçi dərisinə yazıldığı aydın olub. Test nəticəsində əlyazmaların ən azı 1370 illik olduğu da təyin olunub.

Hicazi əl yazısıyla heyvan dərisinə yazıldığı aydın olan Qurani-Kərimin dünyanın tapılan ən qədim nüsxə olub-olmadığının təyin olunması üçün araşdırma aparılacaq. Müqəddəs kitablar mütəxəssisi dr. Muhammad Isa Waley həyəcanverici olaraq xarakterizə etdiyi kəşfin İslam aləmini xoşbəxt edəcəyini vurğulayıb.