İslamazeri.az-ın "Islam Today"-ə istinadən verdiyi xəbərə əsasən, həcc icazəsi olmayan 188,747 zəvvar artıq Səudiyyə Ərəbistanından deportasiya edilib.

Həmçinin zəvvarlara saxta həcc icazəsi satan 44 turis agentliyinin fəaliyyətinin qarşısı alınıb.

Qeyd etmək lazımdır ki, həcc icazələri müxtəlif ölkə vətəndaşlarına kvotaya əsasən paylanılır. Kvotalar Səudiyyə Ərəbistanı Krallığının rəhbərliyi tərəfindən müəyyən edilir.

Səudiyyə Ərəbistanı rəhbərliyinin məlumatına əsasən, hazırda 1 milyondan çox zəvvar krallığa gəlib. Bu il ümumilikdə Məkkə və Mədinəni 1,5 milyona yaxın zəvvar ziyarət edəcək.