haberL haberR

2 oyun qol vurmayan millimiz bu dəfə qol vurda, amma...

Kateqoriya: İdman Yayımlama tarixi: 30.05.2016 9:20:58

Yarım saatının tamamını iki dəqiqə keçmiş artıq hesab 0:2 idi

Dünən Azərbaycan millisi Avstriyada təlim-məşq toplanışı çərçivəsində 2-ci sınağına çıxıb.

Apasport.az saytının məlumatına görə, Robert Prosineçkinin yetirmələri Makedoniya millisi ilə üz-üzə gəliblər.

Bu il keçirdiyi iki görüşdə də qol vura bilməyən millimiz (Qazaxıstan - 0:1, Andorra - 0:0) bu uğursuz ənənəyə balkan təmsilçisi ilə matçda son qoysa da, yekunda məğlubiyyətə üzülüb.

Hesab 18-ci dəqiqədə açılıb. Radevski makedonları irəli çıxarıb. Yarım saatının tamamını iki dəqiqə keçmiş artıq hesab 0:2 idi. Rəqibin ən məşhur futbolçusu Qoran Pandev müdafiəçilərimizin "hədiyyə"sini boşa verməyib.

İlk hissə bu hesabla başa çatıb. İkinci hissənin gedişində millimiz hesab arasındakı fərqi azaldıb. Əfran İsmayılov penaltini dəqiq yerinə yetirib. Görüşdə son nöqtəni isə Makedoniya qoyub. İlya Nestorovski 90+2-ci dəqiqədə yekun nəticəni elan edib. Bununla da millimiz tarixində 6-cı dəfə qarşılaşdığı rəqibinə 5-ci dəfə uduzub.

Yoldaşlıq oyunu
29 may

Azərbaycan – Makedoniya - 1:3
Qollar: Əfran İsmayılov, 73 (pen.) - Marcah Radevski,18, Qoran Pandev, 32, İlya Nestorovski, 90+2

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.