haberL haberR

Qonşu ölkədən narkotik maddə gətirənlər həbs edildilər

Kateqoriya: Kriminal Yayımlama tarixi: 14.11.2014 13:00:02

Astara və Biləsuvər Gömrüyündə narkotika keçirənlər yaxalanıblar

Astara Gömrük İdarəsinin Gömrük hüquqpozmalarına qarşı mübarizə şöbəsinə daxil olmuş məlumata əsasən, keçirilmiş əməliyyat tədbiri nəticəsində Azərbaycan vətəndaşı Həsənov Asəf Məmmədağa oğlu piyada yolla İrandan Azərbaycana gələrkən Sərnişin şöbəsində gömrük nəzarətindən keçmiş, gömrük əməkdaşları tərəfindən qüvvədə olan gömrük qanunvericiliyinin tələblərinə uyğun olaraq, onun üzərində şəxsi yoxlama aparılmış və bu zaman ayağına geydiyi idman ayaqqabısının içliyində, cəmi iki ədəd salafan bağlamalarda, gömrük nəzarətindən gizlədilmiş, xalis çəkisi 201.27 qram narkotik vasitə heroin, xalis çəkisi 1.719 qram olan psixotrop maddə metamfetamin və bir ədəd əl yükünün içərisindən, 4 ədəd meyvə şirəsi paketlərindən təsiredici maddəsinin miqdarı 0.65 qram olan narkotik vasitə metadon aşkar olunaraq götürülüb.

Bu barədə İslamazeri.az-a Dövlət Gömrük Komitəsindən məlumat verilib.

Biləsuvar Gömrük İdarəsinin “Qoşa Təpə” gömrük postunda isə İrandan Azərbaycana “polietilen” yükü gətirən İİR vətəndaşı Lotfollah Zadeh Mahdı Asadollah oğlunun idarə etdiyi “Scania” markalı yük avtomobilinə “Muxtar” ləqəbli kinoloji xidmət itinin tətbiqi ilə baxış keçirilib.

Baxış zamanı xidməti it avtomobilin kabinində ön panelin orta hissəsinə reaksiya vermiş, avtomobilin kabininə əsaslı baxış keçirilmiş və kabində sürücü oturacağının sağ tərəfi istiqamətində, ön panelin orta hissəsindən gömrük nəzarətindən gizlədilmiş külli miqdarda narkotik vasitə-tiryək aşkar edilərək götürülüb.

Ümumiyyətlə, gömrük orqanları tərəfindən görülmüş tədbirlər nəticəsində cari ilin müvafiq dövrü ərzində narkotik vasitələrin qanunsuz dövriyyəsi ilə əlaqədar 135 fakt aşkar olunub. Bu faktlar üzrə 160 kq-dan çox narkotik vasitə qanunsuz dövriyyədən çıxarılıb, saxlanılan narkotik vasitələrin çox hissəsini, yəni 76 kq-a qədərini güclü təsiredici xassəyə malik heroin təşkil edib.

2014-cü ilin müvafiq dövrü ərzində gömrük keçid məntəqələrində xidmət göstərən instruktor-kinoloqlar tərəfindən onlara təhkim olunmuş xidməti axtarış itlərinin tətbiqi nəticəsində isə 19 fakt üzrə - 5 kq 916 qram tiryək, 65 qram heroin, 1 kq-dan çox qurudulmuş marixuana, 17 qram həşiş, 87 milli qram metadon məhlulu aşkar olunub.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.