İslamazeri.az-ın “abc15.com”-a istinadən verdiyi xəbərə görə, ABŞ-ın Arizona ştatının Finiks şəhərində yerləşən məscid və İslam mərkəzinin ətrafında İslam peyğəmbərini (s) təhqir edən karikatura sərgisi keçirilib. ABŞ islamofobları Finiks məscidinin yaxımlığında yerləşən meydana yığışıblar. Aksiya iştirakçılarının üzərində olan silahlar diqqət çəkir. ABŞ hökuməti islamofobların rahatlıqla əli silahlı islam dininə qarşı etiraz etməyə çıxıblar. Bununla yanaşı, sülh tərəfdarı, islam və dini azadlığını dəstəkləyən şəxslər də öz növbəsində aksiya keçirilən yerdə öz etirazlarını bildiriblər.

Finiks şəhəri islam icmasının nümayəndəsi islam əleyhinə, dini etiqad və vicdan azadlığına təhlükə olan bu aksiyanı pisləyərək bildirib ki, bu cür islamofob tədbirlər yeni zorakılıq dalğasının yaranmasına səbəb ola bilər.

Finiks şəhərinin meri Qreq Stanton bildirib ki, bu sərgi “yaxşı fikir” deyil, ancaq təşkilatçılar onun keçirilməsi üçün icazə almağa nail olublar. Polis gücləndirilmiş iş rejimində ərazidə xidmət aparıb.

Qeyd edək ki, may ayının əvvəlində ABŞ-ın Texas ştatının Qarland şəhərində analoji karikatura sərgisində silahlı insident baş verib.