İslamazeri.az-ın "welayet"ə istinadən verdiyi xəbərə görə, amrikalı general Mark Hertlinq CNN-ə verdiyi müsahibəsində, Qüds Xüsusi Briqadalarının komandiri general Qasim Süleymaninin bir əfsanə olduğunu və səkkiz illik müharibədə çox böyük rol oynadığını vurğulayıb.   

Müsahibə zamanı Tikrit şəhərinin azad olunması mövzusuna toxunan amerikalı general belə qeyd edib: “Son əməliyyatlar Mosul şəhərinin azad olunması üçün ilkin addımlardır. Əgər İŞİD bu gün sözdə “xilafət” qurmaq faktorundan danışırsa, bu faktorun təməli mümkün olduğu qədər daha geniş ərazilərdə nəzarəti almaq və hakimiyyət qurmağa əsaslanır. Dolaysıyla, bu bölgələri İŞİD-dən almaq son dərəcədə əhəmiyyətlidir”.

Qeyd edək ki, keçən il Curf əs-Səhr bölgəsində İŞİD terror qrupunun məğlubiyyəti  ilə nəticələnən hərbi əməliyyatın böyük hissəsi  Qasim Süleymani tərəfindən idarə edilib.