"Apple" iqtisadi ilin birinci rübündə gəlirlərinin 18 milyard dollar (14,1 milyard manat) olduğunu bəyan edib. Bu, "ExxonMobil" şirkətinin 2012-ci ilin ikinci rübündə bəyan etdiyi 15,9 milyard dolları üstələyib.

Bu barədə "Standard and Poor's" məlumat verir.

Artım "iPhone" mobil telefonlarının görünməmiş satış rəqəmlərinə görədir. Dekabrın 27-dək üç ay ərzində "Apple" 74,5 milyon "iPhone" satıb. Bu, əksər təhlilçilərin gözləntilərindən qat-qat çoxdur.

Buna baxmayaraq, 2014-cü ildə "iPad" planşet kompüterlərinin satışı 2013-cü ilə nisbətən 18 faiz azalıb.

"Apple" müxtəlif "iPhone" modelləri üçün ayrı-ayrı satış rəqəmlərini açıqlamayıb.(virtualaz.org)