İslamazeri.az-ın hadisə yerində olan müxbirinin verdiyi məlumata görə, məscid günorta namazından sonra tam boşaldılıb və əşyalar dövlət tərəfindən məscid üzvlərinə verilən iki yük avtomobilinə yüklənib. Təhvil-təslim zamanı Daxili İşlər Nazirliyi və DİN Daxili Qoşunlarının əməkdaşları da ərazidə olub. Məscidin açarlarını icmanın təmsilçisi Faiq Mustafa şəxsən İçərişəhər Dövlət Tarix-Memarlıq Qoruğu İdarəsinin nümayəndəsinə təqdim edib.

***

Məscid tam boşaldılaraq açarlar İçərişəhər Dövlət Tarix-Memarlıq Qoruğu İdarəsinin əməkdaşına təqdim edilib/

Bunu Azadlıq Radiosuna İçərişəhərdəki «Aşur bəy» məscidi icmasının təmsilçisi («Ləzgi» məscidi adı ilə də tanınır) Faiq Mustafa bildirib.

Onun deməsinə görə, iki maşın verilib ki, məscidə aid avadanlıqları, buradakı kitabları daşınsın.

F.Mustafa hara gedəcəklərini deməyib, sadəcə, bir iki yerə baxdıqlarını söyləyib.

O, qeyd edib ki, məsciddə təmir işlərinin nə zaman başlanacağı və nə zaman bitəcəyi barədə məlumat ala bilməyib. 

F.Mustafanın deməsinə görə, Səbail Rayon Polis İdarəsindən gələrək onlara xəbərdarlıq verilib ki, iyulun 26-dan məscid təmirə görə bağlanılır.