haberL haberR

Avropa Liqasında 1/4 finalın oyunları keçiriləcək

Kateqoriya: İdman Yayımlama tarixi: 07.04.2016 8:53:03

Bu gün futbol üzrə Avropa Liqasında 1/4 finalın ilk oyunları keçiriləcək.

 "Report"un məlumatına görə, bütün görüşlər eyni gündə baş tutacaq.

İspaniyanın "Atletik" komandası eyni ölkə təmsilçisi "Sevilya"nı qonaq edəcək. İngiltərəli referi Mark Klattenburqun idarə edəcəyi oyun Bilbaoda yerləşən "San Mames" stadionunda keçiriləcək. "Atletik" ən güclü 8 komanda sırasına düşmək üçün digər İspaniya təmsilçisi "Valensiya"nı məğlub edibsə, "Sevilya" öncəki mərhələdə "Bazel"dən üstün olub.

Daha bir maraqlı oyun Almaniyada keçiriləcək. Dortmund "Borussiya"sı İngiltərənin "Liverpul" klubunu sınağa çəkəcək. "Siqnal İduna Park"da baş tutacaq görüş ispaniyalı Karlos Velasko Karbalyoya həvalə olunub. "Borussiya" 1/8 finalda digər İngiltərə təmsilçisi "Tottenhem"i yarışdan kənarlaşdırıbsa, "Liverpul" öz gücünü Premyer Liqa iştirakçısı "Mançester Yunayted"ə göstərib.

Digər oyunlarda isə "Vilyarreal" (İspaniya) "Sparta"nı (Çexiya), "Braqa" (Portuqaliya) isə "Şaxtyor"u (Ukrayna) qəbul edəcək.

Avropa Liqası, 1/4 final, ilk oyunlar

23:05. "Borussiya" (Dortmund, Almaniya) - "Liverpul" (İngiltərə)

Baş hakim: Karlos Velasko Karbalyo (İspaniya)

Dortmund. "Siqnal İduna Park"

23:05. "Atletik" (Bilbao, İspaniya) - "Sevilya" (İspaniya)

Baş hakim: Mark Klattenburq (İngiltərə)

Bilbao. "San Mames"

23:05. "Vilyarreal" (İspaniya) - "Sparta" (Çexiya)

Baş hakim: Ovidiu Alin Xetseqan

Vilyarreal. "El Madriqal"

23:05. "Braqa" (Portuqaliya) - "Şaxtyor" (Ukrayna)

Baş hakim: Yunas Erikkson (İsveç)

Braqa. "Braqa Munisipal"

Qeyd edək ki, cavab görüşləri aprelin 14-də keçiriləcək.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.