"Ali Dini lider Ayətullah Seyyid Əli Xameneinin səhhətində ciddi bir problem yoxdur".

Bu barədə dini liderin Azərbaycandakı nümayəndəsi Seyyid Əli Əkbər Ocaq Necatın ofisi  islamazeri.az-a məlumat verib. Qeyd edib ki, ali dini liderin səhhəti yaxşıdır: "Onun xəstəxanaya yerləşdirilməsi barəsində yayılan məlumatlar həqiqəti əks etdirmir və dezinformasiyadır. Hal-hazırda Ayətullah Xamenei evindədir və kitab oxuyur. Biz dini liderlə əlaqə saxlayıb məlumatı dəqiqləşdirmişik".

Xatırladaq ki, ali dini lider Ayətullah Xameneinin səhhətində problemlərin yarandığı haqda mətbuatda məlumat yayılıb. Onun vəziyyətinin kritik olduğu deyilirdi. Onun bədənində prostat xərçənginin aşkar olunduğu iddia olunurdu və yaxın günlərdə onun xəstəxanaya yerləşdirildiyi bildirilirdi. Xəstəliyin onun başqa orqanlarına da yayılmağa başladığı deyilirdi.