İslamazeri.az-ın “Mehr” agentliyinə istinadən verdiyi xəbərə əsasən, Ayətullah Xameneiyə bağlı hilalı təyin edən qurumun məsulu höccətülislam Rza İsfahani bu barədə deyib: “Ümüd edirik ki, iyulun 5-i, Şəvvalın ilk günlük ayını müşahidə edək. Buna əsasən, ayın 6-sı hökmən bayram olacaqdır. Biz, Avstraliya və Asiyanın cənub-şərqindən bu barədə xəbərlər əldə etsək də, Ayətullah Xameneinin göstərişinə əsasən ay, ölkədə də müşahidə edilməlidir. Bu səbəbdən Qum şəhərində 6 heyət bununla bağlı fəaliyyət göstərəcəkdir. Bundan əlavə, Ayətullah uzma Sistaniyə bağlı olan “İmam Əli (ə)” rəsədxanası da, Kəhəkdə bu işlə məşğul olacaqdır.”