haberL haberR

Ayətullah Xatəmi: “Fransa Suriyada əkdiklərini biçdi”

Kateqoriya: Region Yayımlama tarixi: 20.11.2015 23:34:56

Tehran cümə namazının müvəqqəti xətibi Ayətullah Xatəmi olub

İslamazeri.az-ın İran mediasına istinadən verdiyi xəbərə görə, Tehran cümə namazının müvəqqəti xətibi Ayətullah Xatəmi bu gün xütbəsində Paris hadisələrinə toxunaraq "Fransa-da baş verən terror hadisələrini pisləyirik. Fransa əkdiyini biçdi", -deyə söyləyib.

İŞİD və digə təkfirçi terror təşkilatlarının İslam dini ilə mübarizə aparmaq üçün yaradıldığını qeyd edən Ayətullah Xatəmi, "Bunların ortaya çıxdığı vaxt islami oyanışın baş verdiyi günlər idi. Missiyaları isə islama xələl gətirməkdir", -deyə danışıb.

Bu cür terror təşkilatlarının indiyə qədər İsrail rejimi əleyhinə bir kəlmə belə söyləmədiklərini deyən Ayətullah Xatəmi, "Bunların yaralıları da İsrail tərəfindən müalicə edilir. Netanyahu açıq şəkildə İŞİD-in İsrailə xidmət etdiyini və müsəlmanları bir-birinə vurduğunu söylədi" - deyə açıqlayıb.

Təkfirçilərin cinayətlərinin pislənməsinin lazım olduğunu vurğulayan Ayətullah Xatəmi, "Müsəlmanların məscidlərinin oda verilməsi də pislənməlidir. Fransada baş verən terror özlərinin yaratdığı küləyin fırtınaya çevrilməsidir", -açıqlamasını verib.

Fransa və Qərb rəsmilərinə müraciət edən və Qərbin terrorçuları bəsləyən şəxsiyyətə sahib olduğunnu bildirən Ayətullah Xatəmi, “Ötən 5 ildə Suriya xalqının başına nələr gətirdiniz? İndi isə inamsızlığın dadını çıxarırsınız. Siz terrorçuların sığınacağı və arxasısınız. Avropa və Amerikaya görə yaxşı və pis terror var. İsralin terroru yaxşıdır. Lakin Fransada baş verən terror pisdir. Livanda da terror hadisəsi baş verdi, ancaq kimsə qınamadı.", -deyərək sözlərini tamamlayıb.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.