haberL haberR

Azərbaycan qulların sayına görə dünya ölkələri arasında 25-ci yerdədir

Kateqoriya: Ölkə Yayımlama tarixi: 02.06.2016 12:27:53

Bu haqda "The Walk Free Foundation" hüquq-müdafiə təşkilatının hazırladığı hesabatda deyilir.

Azərbaycanda qul kimi işlədilən insanların sayı 45 000 nəfər və ya ölkənin ümumi əhalisinin 0,47%-ni təşkil edir. Bu haqda "The Walk Free Foundation" hüquq-müdafiə təşkilatının hazırladığı hesabatda deyilir. Bununla da Azərbaycan 167 ölkə arasında 25-ci yerdə qərarlaşıb.

Qeyd olunur ki, bu məlumatlar nikaha və ya əməyə məcbur edilən insanların üzə çıxarılması zamanı aparılan araşdırmalara əsaslanır.

Beynəlxalq təşkilatın məlumatına görə, müasir Rusiyada qulların ən böyük hissəsi keçmiş SSRİ ölkələrindən olanlardır. Qul sayına görə ön sıralarda olan ölkələrə Tacikistan, Özbəkistan, Azərbaycan, Qırğızıstan, Ukrayna və Şimali Koreya aiddir. Həmin ölkədən gələnlər daha çox kənd təsərrüfatında, tikiş fabrikində, kərpic zavodunda və şəxsi sexlərdə işləyənlərdir.

Saytın araşdırmalarına əsasən, ən çox qul Özbəkistandadır. Burada qulların sayı 1236600 nəfərdir. Azərbaycanda isə onların sayı 45000 nəfərə çatıb. Ən az qullar Moldovadadır. Onların sayı 10400 nəfərə bərabərdir.ANS

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.