Sabunçu Rayon Polis İdarəsinin 4-cü Polis Bölməsindən verilən məlumata görə, hadisə Bilgəh qəsəbəsində qeydə alınıb.

Bakı şəhər sakini, 1982-ci il təvəllüdlü Zakir Abasəli oğlu Salahov aralarında yaranan münaqişə zəminində həmyerlisi, 1965-ci il təvəllüdlü Naib Hamlet oğlu Abdullayevin baş nahiyəsinə bıçaqla xəsarət yetirib.

N. Abdullayev ağır bədən xəsarəti ilə xəstəxanaya yerləşdirilib.

Digər bıçaqlanma hadisəsi isə Siyəzən rayonunda qeydə alınıb.

Məlumata görə, rayon sakini 36 yaşlı Rauf Heydərov naməlum şəxs tərəfindən bıçaqlanıb. O, Siyəzən Regional Müalicə Diaqnostika Mərkəzinə yerləşdirilib.

R. Heydərova sol döş qəfəsinin kəsilmiş-deşilmiş yarası diaqnozu qoyulub.

Yaralının vəziyyətinin orta-ağır olduğu bildirilir.

Baş verən hadisələr ilə bağlı araşdırma aparılır.(apa)