haberL haberR

Azərbaycandan ilk zəvvar qrupu Həccə yola düşüb - FOTO

Kateqoriya: Xəbərlər Yayımlama tarixi: 02.09.2016 10:26:32

Növbəti reyslərin sentyabrın 3-ü, 4-ü və 5-də həyata keçirilməsi nəzərdə tutulur.

Azərbaycandan bu gün zəvvarların Həcc ziyarəti başlayıb.

APA-nın məlumatına görə, azərbaycanlı zəvvarları aparan ilk təyyarə Heydər Əliyev Beynəlxalq Aeroportundan yola düşüb.

Növbəti reyslərin sentyabrın 3-ü, 4-ü və 5-də həyata keçirilməsi nəzərdə tutulur.

Qeyd edək ki, aprelin 1-dən Azərbaycanda Həcc ziyarətinə sənəd qəbulu başlayıb.

Bu il ilk dəfə olaraq azərbaycanlı zəvvarlar Həccə yalnız biometrik pasportla gedirlər.

Sentyabrın 19-də geri dönüş olacaq. Bu il Azərbaycandan gedəcək zəvvarlar üçün say limiti ötənilkindən az - 1500 nəfər müəyyənləşsə də, sonradan bu rəqəm daha da azaldılaraq 1040-a endirilib, daha sonra isə 1050-ə qaldırılıb.

Ziyarət zamanı daha yaxşı şəraitli hotellərdə qalmaq, bahalı yeməklərlə təminat, o cümlədən hotellərdə 4 nəfərlik otaqlarda yerləşmək 4500 dollar, nisbətən ucuz şəraitli, 6 nəfərlik otaqlarda qalmaq isə 3500 dollardır. Ziyarət haqqı bu il ilk dəfə olaraq bank vasitəsilə yox, nağd şəkildə QMİ-yə ödənilir. Dolların kursuna görə builki ziyarət xərcləri ötən illə müqayisədə təxminən 1000 manat bahadır. Ötən il Azərbaycandan Həcc ziyarətinə 2400 zəvvar gedib, onlardan 3-ü Məkkədə dünyasını dəyişib və orada dəfn olunub.

Ötən il Həcc ziyarəti kütləvi insan ölümü ilə nəticələnən hadisələrin baş verməsi ilə də yadda qalıb.

Azərbaycanda Həcc ziyarətinə sənəd qəbulunu yalnız QMİ aparır.

Azərbaycandan ilk zəvvar qrupu Həccə yola düşüb - FOTO

/haberimaj/habergaleri/2I9T1D2F0Q8U.JPG
  1. Azərbaycandan ilk zəvvar qrupu Həccə yola düşüb - FOTO

  2. Azərbaycandan ilk zəvvar qrupu Həccə yola düşüb - FOTO

  3. Azərbaycandan ilk zəvvar qrupu Həccə yola düşüb - FOTO

  4. Azərbaycandan ilk zəvvar qrupu Həccə yola düşüb - FOTO

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.