haberL haberR

Daha bir boksçumuz Yay Olimpiya Oyunlarına lisenziya qazandı

Kateqoriya: İdman Yayımlama tarixi: 15.04.2016 22:35:38

Boks üzrə Azərbaycan milli komandası Türkiyənin Samsun şəhərində keçirilən Avropa Təsnifat Turnirində 2016-cı il Rio-de-Janeyro Yay Olimpiya Oyunlarına bu gün 4 lisenziya qazanıb.

"Report"un məlumatına görə, sonuncu vəsiqəyə yarımfinalda türkiyəli Ali Eren Demirezenə heç bir şans verməyən Məhəmmədrəsul Məcidov yiyələnib.

91 kq-dan yuxarı çəki dərəcəsində yer alan Məcidov "Bakı 2015" I Avropa Oyunlarının 1/4 finalında da yendiyi Demirezeni 3:0 hesabı ilə yenib. O, ilk "üçlüy"ü təmin etdiyi üçün "Rio-2016"da iştirak hüququnu əldə edib. Məcidovun finalındakı rəqibi böyük britaniyalı Jozef Joys olacaq. Bununla da Azərbaycan idmançılarının olimpiadaya qazandıqları lisenziyaların sayı 39-a çatıb.

Qeyd edək ki, bu gün daha üç lisenziyanı Yana Alekseyevna (51 kq), Cavid Çələbiyev (56 kq) və Lorentso Sotomayor (64 kq) qazanıb. Abdulqadir Abdullayev (91 kq) isə vəsiqə əldə etmək üçün aprelin 16-da 3-cü yer uğrunda görüşdə Ukraynanı təmsil edən erməni Gevorq Manukyanı yenməlidir. Ötənilki dünya çempionatında Azərbaycanın 3 boksçusu - Elvin Məmişzadə (52 kq), Albert Səlimov (60 kq) və Pərviz Bağırov (69 kq) "Rio-2016"ya lisenziya qazanıb. 

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.