Özbəkistanın avtomobil və çay nəqliyyatı agentliyində Özbəkistan və Azərbaycanın müvafiq orqanlarını təmsil edən ekspertlərdən ibarət nümayəndə heyətlərinin görüşü keçirilib. İslamazeri.az report-a istinadən xəbər verir ki, danışıqlar zamanı tərəflər beynəlxalq avtomobil daşımaları sahəsində ikitərəfli əməkdaşlığın vəziyyəti barədə fikir mübadiləsi aparıb və iki ölkə arasında yük daşımalarının həyata keçirilməsi ilə bağlı praktiki məsələləri müzakirə ediblər.

Bundan əlavə, tərəflər beynəlxalq avtomobil daşımaları üzrə iki ölkənin hökumətləri arasında saziş layihəsinin yekun variantı barədə razılığa gəliblər.