haberL haberR

Bakıda bütün avtobuslar kartla işləyəcək

Kateqoriya: Sosial Yayımlama tarixi: 25.03.2016 15:45:59

Azərbaycanda ictimai nəqliyyatda gediş haqqını ödəmək üçün "BakıKart"ları hazırda gedişin nağd ödənildiyi avtobuslarda istifadə etmək mümkün olacaq.

Bunu Trend-ə "BakıKart" layihəsinin rəhbəri Ceyhun Əliyev deyib.

Onun sözlərinə görə, hazırda Bakının bütün avtobuslarında gediş haqqının nağdsız ödənişinin tətbiqi məsələsi müzakirə edilir.

C.Əliyev qeyd edib: "Ümid edirik ki, növbəti mərhələdə "BakıKart" kartları digər özəl nəqliyyat şirkətlərinin avtobuslarında da gediş haqqını ödəmək üçün istifadə ediləcək".

Xatırladaq ki, hazırda "BakıKart"lar Bakı Metropolitenində və "BakuBus" nəqliyyat şirkətinin 8 marşrutunda gediş haqqını ödəmək üçün istifadə olunur.

BakiKart-ların alınması və yüklənməsi MilliÖN terminallarında mümkündür. Kartın qiyməti 2 manat təşkil edir.

Bundan başqa, ictimai nəqliyyatdan az istifadə edən Bakı sakinləri və paytaxtın qonaqları üçün məhdud istifadəli Bakı Kart-lar nəzərdə tutulub ki, onların qiyməti 0,2 manat təşkil edir. Bu kartlara yalnız 4 gediş yükləmək olar. Bir gedişin qiyməti də 0,2 manat təşkil edir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.