İslamazeri.az Fövqəladə Hallar Nazirliyinin (FHN) rəsmi saytına istinadən xəbər verir ki, dünən Bakıda bir ailəyə dəhşətli faciə üz verib.

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakı şəhəri, Sabunçu rayonunda 1 nəfər azyaşlı fərdi yaşayış evinə yaxın olan ərazidə yerləşən, qoruyucu hasari 2 metr, diametri 8-10 metr, dərinliyi 7-8 metr və daxilində 3-4 metr çirkab suyu olan köhnə neft tulantısı quyusuna düşüb.

Hadisə yerinə cəlb olunmuş xilasedicilər tərəfindən azyaşlının meyiti quyudan çıxarılaraq aidiyyəti üzrə təhvil verilib.

Əməliyyat saat 18:56-da başa çatıb.