“Qafqazinfo”nun verdiyi xəbərə görə, hakim Təyyar Abbaslının sədrliyi ilə keçirilən prosesdə hökm oxunub.

Məhkəmənin hökmü ilə Fikrət Əmrahov aylıq qazancının 15 faizi dövlət nəfinə tutulmaqla 1 il 6 ay müddətinə islah işləri cəzasına məhkum olunub.

Xatırladaq ki, dövlət ittihamçısı çıxışında Fikrət Əmrahovun 1 il 6 ay müddətinə azadlıqdan məhrum edilməsini istəyib.

Qeyd edək ki, ötən ilin iyun ayının 21-də Sabirabad rayonunun Həşimxanlı kənd bələdiyyəsinin sədri Fikrət Əmrahovla kiçik sahibkarlıq fəaliyyəti ilə məşğul olan Aqif Nəcəfov arasında mübahisə yaranıb. Mübahisə zamanı Fikrət Əmrahov Aqif Nəcəfovu döyərək, ona bədən xəsarəti yetirib. Fikrət Əmrahov Cinayət Məcəlləsinin 127.1-ci (sağlamlığa xəsarət yetirmə) maddəsi ilə ittiham edilib.