İslamazeri.az xəbər verir ki, "Əl-Qaidə"nin media qolu "Əs-Sahab Media" təşkilatın qurucu lideri Usamə Ben Ladenin oğlu Həmzə Ben Usamə Ben Ladenə aid səs yazısı yayımlayıb. 


Həmzə Ben Laden "Əl-Qaidə"nin qollarına salam göndərdiyi mesajında müharibəni Vaşinqton, London, Paris və Təl-Əvivə daşıma vaxtının gəldiyini deyib və söyləyib ki, bu onlara vacibdir.
Şiələri rafizi adlandıran və onların Suriya və İraqda həddi aşdığını bildirən Həmzə Ben Laden şiələrə qarşı müharibə elan etdiyini bildirib.
Ramazan ayından əvvəl yazıldığı ehtimal edilən səsli mesajda Ben Laden, Molla Ömər haqda  möminlərin əmiri kimi bəhs edir və ona beyət etdiyini bildirir. Ben Laden Ərəbistan yarımadasındakı "Əl-Qaidə" lideri Vuheyşiyə də xüsusi salam göndərir. Dünyanın fərqli bölgələrində olan terrorçu təşkilatları və liderlərini tərifləyən Ben Ladenin İŞİD lideri Bağdadidən bəhs etməməsi diqqət çəkib. "Nusra Cəbhəsi" terror təşkilatı  Əbu Məhəmməd əl-Cevlani haqqında da mülayim mesajlar verən Həmzə Ben Laden onu xüsusilə tərifləyib.
Həmzə Ben Laden, həmçinin başda ABŞ olmaqla qərb ölkələrində "canavar hücumları", yəni terror aktları həyata keçirməyə çağırıb.