İslamazeri.az-ın “Əl Aləm”-ə istinadən verdiyi xəbərə görə, rejim tərəfindən fəaliyyəti ləğv olunan şuranın sədri Məcid Məşəl bildirib: “Biz qarşıdurma yaratmaq niyyətində deyilik, lakin imam Hüseyn (ə) övladlarıyıq. O Həzrətin dediyi kimi biz də “Zillət bizdən uzaqdır” deyəcəyik. Biz rəqib axtarmırıq, lakin zillət və alçaqlığı da qəbul etməyəcəyik. Çünki canımızı dinimə qurban verməyimizi rəhbərlərimizdən öyrənmişik. Şeyxin evi önündə toplaşan xalqa hücum olunarsa, canımızı qurban verəcəyik. Gücünüz olsa da, sonda nə etmək niyyətindəsiniz? Niyyətiniz tarixdə qan tökən kral kimi qalmaqdır? Mən sizi düşünməyə dəvət edirəm. Bilin ki, xalq var gücü ilə rəhbərini müdafiə etməyə hazırdır.”