Hər üç fəal Sabunçu rayon 12-ci polis bölməsinə aparılıb, daha sonra Elçin Şərifzadə sərbəst buraxılıb və Vətəndaş Həmrəyliyi Partiyasının (VHP) Mərkəzi İcra Aparatının rəhbəri Samir Əsədli saxlanılıb.

Meydan TV-yə bu barədə NİDA-nın idarə heyətinin üzvü Ülvi Həsənli məlumat verib. Onun sözlərinə görə, avqustun 28-də NİDA ilə VHP-nin gəncləri futbol oynayıblar. Oyun zamanı VHP üzvü yıxılıb və zədə alıb.  Onu Sabunçu rayonunda yerləşən 3 saylı Şəhər Klinik Xəstəxanasına gətiriblər. Orada həkimlər həmin gəncə baxmaq istəməyiblər. Baş verənləri Mehman Hüseynov kamera ilə görüntüləyib.

Bu zaman xəstəxananın mühafizəçisi gəlib və Mehmanın əlindən fotokamerasını alıb. Daha sonra xəstəxanaya polis çağırılıb. Orada olan gənclər saxlanılıb.

Bloger Mehman Hüseynov, Məsud Əsgər, Samir Əsədlidən izahat alındıqdan sonra sərbəst buraxılıblar.