İslamazeri.az-ın RİA-ya istinadən verdiyi xəbərə əsasən, Böyük Britaniya Müdafiə Nazirliyindən bildiriblər ki, Krallıq HHQ-sinə məxsus qırıcılar keçmiş İraq prezidenti Səddam Hüseynin saraylarından birində yerləşmiş İŞİD terror qruplaşması mövqelərinə zərbələr endiriblər.

Bildirilir ki, terrorçular sarayda xarici yaraqlıların təlim mərkəzi və qərargah yerləşdiribmişlər. Zərbə koalisiya qüvvələri ilə uzlaşdırılmış və "Eurofighter Typhoon" qırıcıları tərəfindən endirilib.

Britan müdafiə naziri Maykl Fellon qeyd edib ki, İŞİD həm öz tərəfdarlarını, həm də tutduğu əraziləri itirməkdədir və bu da onu göstərir ki, onlar və koalisiya düzgün yoldadırlar.

Fellon Kipr adasında yerləşən "Akrotiri" HHQ bazasına səfəri zamanı, həmçinin terrorçulara qarşı keçirilən əməliyyatlarda iştirak etmək üçün İraqa əlavə qoşunlar göndərmək niyyətində olduqlarını bildirib. "Akrotiri" bazasından Britaniya təyyarələri İŞİD-ə qarşı gündəlik missiyaları yerinə yetirirlər. Əlavə qüvvələr Ənbar əyalətində yerləşən "əl-Əsəd" aviabazasında yerləşdiriləcək və onlar qoşunların hazırlanması ilə məşğul olacaqlar.