İslamazeri.az-ın xəbərinə görə, Gürcüstanın Tbilisi, Marneuli və digər şəhər və kəndlərində Umum Gürcüstan Müsəlmanları Ali Dini İdarəsi, İmam Əli (ə) adına xeyriyyə fondu, Marneuli imam Əli (ə) məscidinin, Əhlibeyt təşkilatı və GMİ-nin təşkilatçılığı ilə bu kimi mərasimlər keçirilib.

Mareulidəki Tasua məclisləri Umum Gürcüstan Müsəlmanları Ali Dini İdarəsi, İmam Əli (ə) adına xeyriyyə fondu, Marneuli imam Əli (ə) məscidi və  Əhlibeyt təşkilatları keçirib.

Marneulidəki mərasimlərdə mərsiyələr deyilib, qurbanlar kəsilərək 150 fəqir ailəyə ehsan ətlər verilib.

 Şeyx Hacı Hacıyev İmam Hüseyin (ə) inqilabının mahiyyəti və fəlsəfəsinə işarə etdikdən sonra yerli müsəlmanların problemlərindən danışıb.

O Gürcüstanın Samsxeti-Cavaxetiya bölgəsində məscid binasını kitabxanaya çevirmə cəhdlərini, kəskin şəkildə qınayaraq Qurucu Davidi misal çəkdi:  "O müsəlmanların adət ənənə və ibadət ocaqlarına hörmət edirdi və cümə günləri məscidlərə gedərdi, indiki hökümətdəndə gözləntimiz odur ki, Daviddən ibrət dərsi götürsünlər və onun yolunu davam etdirsinlər."

Şeyx Hacı Hacıyev sonra deyib:  "Bizim üçün sevindirici xəbərlərdən birisi olan Ərəbistan höküməti Ayətullah Şeyx Baqir Nimrə qarşı haqsız edam qərarını ləğv etdiyini eşitdik və yenedə Ərəbistan hökümətindən tələbimiz odur ki, Ayətullah Nimri azad etsinlər."

Şeyx Hacı Hacıyev Hicab məhbuslarınıda xatırlayaraq onların tezliklə azadlığa çıxmağını Allahdan dua etdi.

Marneuli munisipalitetinin (icra başçısı)rəhbəri Merab Topçişvili İmam Əli məscidinə gələrək İmam Hüseyin (ə) şəhadəti ilə əlaqədar müsəlmanlara baş sağlığı verib. Şeyx Hacı Hacıyev qonağı qarşılayaraq müsəlmanların qəminə şərik olduqları üçün gələn qonaqlara müsəlmanların adından təşəkkür bildirdi.

Gürcüstan müsəlmanlarıyla bağlı  xəbərləri mascid.com-dan da izləyə bilərsiniz.

AŞURA VİDEO