haberL haberR

Cəlilabadda ana öldü, uşaq və ata isə xəstəxanaya yerləşdirildi

Kateqoriya: Hadisə Yayımlama tarixi: 29.10.2014 13:37:13

Cəlilabadda ailənin bir üzvü tüstüdən boğularaq ölüb, daha iki üzvü isə zəhərlənib
Cəlilabad rayonunda ehtiyatsızlıq səbəbindən ailənin bir üzvü tüstüdən boğulub, daha iki üzvü isə zəhərlənərək xəstəxanaya yerləşdirilib. 

 

İslamazeri.az-ın apa-ya istinadən verdiyi xəbərə görə, hadisə ötən gecə rayonun Böyük Bəcrəvan kənd sakini İsrail Sayadulla oğlu Hüseynova məxsus fərdi yaşayış evində də baş verib. Axşam saatlarında  otağın isidilməsi üçün  istifadə olunan elektrik sobası  aşaraq evdəki xalçanı yandırıb. Bu zaman  otaqda   ciddi yanğın  baş verməsə də, iki aylıq körpə, ər və arvadın olduğu otaqda qatı tüstü yaranıb. Ailənin digər  üzvləri isə hadisə barədə yalnız  səhər açılanda sonra xəbər tutublar. Ev sahibinin 22 yaşlı həyat yoldaşı Gülarə Hüsynova tüstü və dəm qazından boğularaq ölüb.  İsrail Hüseynov və iki aylıq körpəsi Hüseyn Hüseynov isə ağır vəziyyətdə Cəlilabad Mərkəzi Rayon Xəstəxanasına yerləşdirilib.

 

Həkimlərin göstərdikləri müvafiq yardımlardan sonra İ. Hüseynovun vəziyyətinin orta-ağır, iki yaşlı körpənin isə vəziyyətinin normal olduğu bildirilir.

 

Faktla bağlı araşdırma aparılır.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.