İslamazeri.az-ın “islam-today” saytına istinadən verdiyi xəbərə əsasən, Qroznının mərkəzi küçələrində 2,5 min stolun quraşdırılacağı planlaşdırılır. Onların ümumi uzunluğu 18 kilometrə çatacaq.

İftar üçün yeməklər xüsusi quraşdırılmış “səhra mətbəxlərində” hazırlanacaq. İftarın keçirələcəyi küçələr isə əlavə işıqlandırılma ilə işıqlandırılacaq.

“Bütün xərcləri Əhməd Kadırov adına xeyriyyə fondu öz üzərinə götürəcək. Bizim planımıza əsasən, iftara azı 36 min nəfər toplaşacaq.” – deyə Qroznı meri Muslim Xuçiyev bildirib.

İftar neçəyə başa gələcəyi haqda isə hələ ki, məlumat verilməyib.

Xatırladaq ki, hazırda Rusiyada keçirilmiş ən iri iftar iyunun 22-si Kazan şəhərində baş tutmuşdu.. İftarda 10 min nəfər iştirak etmişdi.