İslamazeri.az-ın Rusiya mediasına istinadən verdiyi xəbərə görə, dekabırın 3 dən 4-ə keçən gecə bir qrup  terrorçu Çeçenistanın paytaxtı Qroznı şəhərində qarşıdurma yaradıb.

Hadisə polis patrulunun şübhəli avtomobili saxlamaq istəyərkən avtomobildə olan terrorçular atəş açaraq 3 polis işçisini öldürüb. Daha sonra terrorçular Mayakovskiy küçəsində  yerləşən nəşriyyatda  gizləniblər.

Çeçenistanda anti-terror əməliyyatları sona çatmaqdadır.

Çeçenistan prezidenti Ramazan Kadırov şəxsən əməliyyatlara nəzarət edir. 

Kadırov şəxsi “instagram” səhifəsində bunları yazıb.

“Əziz dostlar! Ənənəvi olaraq itlər gəbərməkdədirlər.

Anti terror əməliyyatı yekunlaşmağa doğru gedir. 7 terrorçu ölü olaraq nəşriyyatda aşkar edilib. Heç bir cinayətkar xilas ola bilməyəcək. Mən şəxsən əməliyyata nəzarət edirəm.  Bizim əsas məqsədimiz mülki vətəndaşlar arasında itkilərə yol verməməkdir. Mülki əhaliyə anti-terror əməliyyatı zonasında küçəyə çıxmamalarını xaiş edirəm.

Qeyd edək ki, bir qrup terrorçu məktəbdə gizlənmək istəsələrdə anti-terror dəstələri onları mühasirəyə alıb.