İslamazeri.az-ın rus mediasına istinadən verdiyi xəbərə əsasən, Ankara prokuroru Harun Kodalak bildirib ki, çevrilişə cəhddən sonra saxlanılmış 1,2 min hərbi qulluqçu azad edilib.

Xatırladaq ki, iyul ayının 16-sə gecə saatlarında bir qrup üsyançı hərbi çevrilişə cəhd ediblər. Əsas qarşıdurmalar Ankara və İstanbulda baş verib. Ən son məlumatlara əsasən, 246 Türkiyə vətəndaşı həyatını itirib, 2 mindən çox insan yaralanıb, üsyan yatırılıb. Çevrilişə cəhdin araşdırılması zamanı hökümət 10,4 min nəfərin saxlanılmasını həyata keçirib. Ərdoğanın sözlərinə görə, 4 mindən çox insan həbs edilib, onların arasında 103 ordu generalı var.

AFP agentliyi qeyd edir ki, bütün azad edilənlər sıravi əsgərlərdirlər. Türkiyə paytaxtının prokuroru həmçinin qeyd edib ki, hakimiyyət saxlanılanlardan kimlərin insanlara atəş açdığını, kimlərinsə açmadığını aydınlaşdırmaq üçün işlər aparır.