İslamazeri.az-ın İran mediasına istinadən verdiyi xəbərə əsasən, İmam cümə sözlərinin əvvəlində xalqın İran İslam inqilabının ildönümündə çoşğusunu alğışlayaraq, təşəkkürünü bildirib və deyib: “Bu 37 ildə xalqımız Aşura və imam Hüseyn (ə) xəttindən ayrılmayıb.  Bizim inqilabımızdan başqa digər inqilablarda qarın və şəhvət faktoru rol oynamışdı. Heç kimin fəqihin vilayətini yuxuda belə görmədiyi bir zamanda inqilabımız baş verdi. İmam Xomeyni öz hərəkəti ilə dinin həqiqətini aşıladı.”

Yaxın günlərdə keçiriləcək olan parlament və “Xobreqan” məsclisinin seçkilərinə də toxunan Ayətullah Siddiqi  “Namizədlər bilməlidirlər ki, Allah nəzərə alınmalıdır. Belə olmadığı halda yorğunluqdan başqa heç bir şey ələ gətirməyəcəklər. İmam Xomeyninin də dediyi kimi, inqilabı layiq olmayanlara tapşırmamalıyıq. Göz və qulağımızı açaraq hərəkət etməliyik.  Qeyri-praktiki vədlərlə seçkilərdə qalib gəlməyə çalışanlar xalqı aldada bilməzlər”, - deyə danışıb.