İslamazeri.az-ın Əfqanıstan mətbuatına istinadən verdiyi xəbərə görə, Əfqanıstan  ordusu ölkənin şimalında yerləşən Kunduz vilayətinin eyni adlı şəhərini “Taliban” terrrorçularından təmizləyib. 3 gün “Taliban” terror təşkilatının üzvlərinin nəzarətində olan Kunduz şəhər mərkəzi və dövlət binaları azad edilib. Silahlı əməliyyatlar nəticəsində “Taliban” terorrçuları çox sayda itki veriblər. Əfqan ordusuna NATO aviasiyası havadan dəstək verdiyi bildirilir. Əfqan ordusu “Taliban” terrot təşkilatının inzibatı binalara sancılan  ağ-qara yazılı bayrağını çıxararaq Əfqanıstan bayrağını dalğalandırıblar. 

Xatırladaq ki, Əfqan ordusu Kunduz ətrafında dağılan "Taliban" terrorçularına qarşı əməliyyatları davam etdirir.

Qeyd edək ki, 3 gün öncə “Taliban” terrorçuları Əfqanıstanın şimalında yerləşən Kunduz vilayətinin mərkəzini və mərkəzə gedən yolları ələ keçirməyə nail olubdur.