İslamazeri.az-ın "Sinxua" agentliyinə istinadən verdiyi xəbərə əsasən, Əfqanıstanın Qunduz əyalətində polis avtomobili yola quraşdırılmış minanın üzərində partlayıb, nəticədə 4 polis əməkdaşı həyatını itirib, daha 3-ü isə yaralanıb.

Yerli hakimiyyət təmsilçisi Qüdrətullah Safi bildirib ki, hadisə bazar ertəsi günü baş verib.

“ “Taliban” terrorçuları tərəfindən Xanabad rayonundakı yolda quraşdırılmış mina təxminən günorta radələrində yaxınlıqdan polis maşını keçərkən işə düşüb, 4 polis hadisə yerindəcə həyatını itirib, daha 3-ü isə yaralanıb.”, - deyə Safi bildirib.

Məmur əlavə edib ki, həmçinin rayon polis idarəsinin başçısı Molla Əbdül Zahir də partlayış zamanı maşında olub, lakin o xəsarət almayıb.

Daha əvvəl bildirilirdi ki, əfqan qoşunları terrorçuların müvəqqəti tutduğu Qunduz əyalətinin Xanabad rayonunu geri alıblar (qaytarıblar).