İslamazeri.az-ın "Tolo" telekanalına istinadən verdiyi xəbərə əsasən, yerli hakimiyyətdən bildiriblər ki, “Taliban” terror təşkilatının təxminən 1200 yaraqlısı cümə günü axşam saatlarında Pakistanla sərhəddə yerləşən qəzalardan (rayonlardan) birinə hücuma keçib, oranı tutublar.

Paktika əyalətinin Cani Khel rayonunda terrorçular ilə toqquşmalarda 30 əfqan güc strukturu əməkdaşı həyatını itirib. Dairə administrasiyası başçısı Əbdül Rəhman Solamalanın sözlərinə görə, taliblərin hücumu uğurla başa çatıb, çünki mərkəzi hakimiyyət və əyalətin rəhbərliyi rayona vaxtında əlavə qüvvələr göndərməyiblər.