İslamazeri.az-ın verdiyi məlumata əsasən, İraq qüvvələri əl-Amiriyyə və Fəllucə şəhərləri arasında olan 20 kilometrlik ərazini tamamilə təmizləyə biliblər. Ordu qüvvələri Fəllucənin cənubuna da özlərini çatdıra biliblər.
Bundan əlavə ordu, əl-Bəqərə, əl-Muxtar və əl-Məqbərə kəndlərini də terorçulardan təmizləməyə nail olublar.
Könüllü xalq dəstələri isə öz növbələrində Fəllucənin şimal tərəfdən girişini tamamilə azad edə biliblər.
Müxbir, İŞİD-in Fəllucədə olan Xələf əl-Məri adında şəri hakiminin hücumlar əsnasında öldüyü ehtimalını önə çəkib.
İraq hərbiçilərindən birinin bu barədə verdiyi müsahibəsində bildirib: "Biz hazırda terrorçularla  üz -üzəyik  və onlara tərəf atəş açmışıq. Onlar bizdən 500 metr aralıqda yer alıblar. Biz Fəllucəni tam şəkildə mühasirə etmişik və əməliyyatın son mərhələsinin icrasını gözləyirik."