İslamazeri.az “Taha Haber”ə istinadən xəbər verir ki, “əl-Qaidə” terror təşkilatının nüfuzlu simalarından olan Mahmud əl-Libi Türkiyə ordusu və bu orduda xidmət edənlərin kafir olduqlarını deyərək, türk tərəfdarlarına əsgərliyə getməməyə dair çağırış edib.

Əfqanıstandakı türk mənşəli “əl- Qaidə” tərəfdarları tərəfindən əl-Libiyə ünvanlanan suallara verdiyi cavablar təşkilatın “əs-Səhab” adlı media kanalı tərəfindən yayımlanıb.

Mahmud əl-Libi ona ünvanlanan sualları cavbalandırarkən Türkiyə ordusu və parlamentini kafir elan edib.

“Əl-Qaidə” liderlərindən Mahmud əl-Libi  “Türkiyə və ona bənzər ölkələrdə ordu sıralarına qoşulmaq məsələsinə gəldikdə isə bu caiz deyildir. Çünki o mürtəd (dindən çıxmış) dövlətin ordusudur “, - deyə bildirib.

Seçkilərdə iştirak məsələsinə də münasibət bildirən əl-Libi bunun, seçkilərdə səs verməyin belə caiz olmadığını deyib.