İslamazeri.az-ın “Alalam”-ə istnadən verdiyi xəbərə görə, Məhəmməd Husi Yəmən xalqının Səudiyyə Ərəbistanı, ABŞ və İsraillə üz-üzə dayandığını qeyd edərək bildirib:

“Təcavüzlərin genişlənməsinə baxmayaraq, Yəmən xalqı ilk gündən müqavimət göstərir və Allaha təvəkkül etməkləri əsas güc mənbələridir. Bu döyüşlər ABŞ və İsrailin qərarı ilə başlayıb. Xalqımız bu təcavüzlər müqabilində heç vaxt təslim olmayacaqdır. Bu 3 dövlət dünyada mütləq şərrin mənbəyidir. Onların təcavüz və vəhşilikləri xalqın oyanmağına zəmin yaradır. Yəmən xalqı onları daha yaxşı tanıyacaqdır. Səudiyyə Ərəbistanı qonşuluq hörmətini qorumadı. Onlar Allahın söz açdığı yer üzündə fəsad törədənlərdir. Onların vəhşilikləri qüdrətlərinin yox, cinayətkar olmalarının göstəricisidir. Təcavüz artdıqca, könüllü xalq dəstələrinin sayı artdı. Onların bu addımı düşməni qorxuzdu və şok vəziyyətinə saldı. Bu dözümlülük olmasaydı, bəlkə də indi ölkəmiz ABŞ, “Əl-Qaidə”, İsrail və Ərəbistan arasında bölüşdürülmüşdü. Ərəbistan ölkəmizə hücum etməklə abrını apardı. Ölkədə öz həmvətənlərinə qarşı planlar cızanlar xaindirlər və məğlub olacaqlar. Onlar insaniyyətdən uzaqdırlar. Yəmən böhranının yeganə həll yolu danışıqlardır. Onlar sülh danışıqlarını ertələdilər ki, biraz daha işğalçılıq edə bilsinlər. Onlar Cenevrə müzakirələrini məsləhətləşmə halına çevirdilər. Çünki, həll yolunun tapılmasını istəmirdilər. Biz Allaha söykənmişik və hər meydanda bu təzavüzkarlarla mübarizəyə daxil olacağıq. Xalqımızın qələbəsi yoldadır”.