İslamazeri.az-ın Türkiyə mediasına istinadən verdiyi xəbərə əsasən, Türkiyə prezidenti Rəcəb Tayyib Ərdoğan bildirib ki, ölkənin cənub-şərqində yerləşən Şırnak əyalətinin Cizrə şəhərində baş vermiş terror hücumundan sonra Türkiyənin terrorizmlə mübarizədəki qətiyyəti möhkəmlənəcək.

“Bu terror aktı separatçı terror təşkilatı olan PKK tərəfindən həyata keçirilib. O Ankara Türkiyədə və onun hüdudlarından kənarda terror təşkilatları ilə mübarizə aparan zaman baş verib,  ölkənin və xalqın qətiyyətini bərkidəcək.”, - Türkiyə prezidentinin rəsmi saytında yerləşdirilmiş bəyanatında deyilir.

Onu sözlərinə görə, Türkiyə heç vaxt yol verməyəcək ki, ölkənin əmin-amanlığa əl uzadan terrorçular və həmçinin onların havadarları öz hədəflərinə çatsınlar.

Xatırladaq ki, bu gün səhər saatlarında Cizrədə polis idarə binası yaxınlığında yerləşən nəzarət-keçid məntəqəsində partlayış baş verib. Partlayış polis idarəsi binasını tamamilə dağıdıb. Terror aktı nəticəsində 11 polis həyatını itirib, aralarında 3 mülki vətəndaşın da olduğu 78 nəfər isə yaralanıb. Yaralılardan 4-ü ağır vəziyyətdədir. Yerli hakimiyyətdən bildiriblər ki, hücumu PKK terror təşkilatının kamikadze-terrorçusu minalaşdırılmış yük maşınından istifadə edərək həyata keçirib.