İslamazeri.az-ın rus mediasına istinadən verdiyi xəbərə əsasən, Ərdoğanın rəsmi saytında bildirilirdi ki, Türkiyə prezidenti Rəcəb Tayyib Ərdoğan daha əvvəl ölkə parlamenti tərəfindən İsrail və Türkiyə münasibətlərinin normallaşdırılmasına dair ratifikasiya edilmiş razılığı təsdiqləyib.

Bu prosedurdan sonra razılıq rəsmi şəkildə dərc ediləcək və qüvvəyə minəcək.

Razılığa əsasən, İsrail Türkiyəyə 25 gün ərzində 2010-cu ildə "Mavi Mərmərə" hadisəsi ilə bağlı hadisəyə görə 20 milyon dollar kompensasiya ödəməlidir. Adıçəkilən hadisə ölkələr arasındakı münasibətlərin pisləşməsinə səbəb olub.

İsrail və Türkiyə iyun ayının 28-i münasibətlərin normallaşdırılmasına dair saziş imzalayıblar. Sənədin qüvvəyə minməsi üçün, onu hər iki ölkənin parlamenti təsdiq etməlidir.

Xatırladaq ki, 2010-cu ildə İsrail "komandosu" Qəzza sektorunun blokadasını yararaq hərəkət edən "Azadlıq flotiliyası" gəmilərini tutmuşdular. Hadisə nəticəsində gəmidə olan 9 türk həyatını itirmişdi.