İslamazeri.az-ın rus mediasına istinadən verdiyi xəbərə əsasən, Türkiyə prezidentinin mətbuat katibi İbrahim Kalın ötən gün bildirib ki, Türkiyə prezidenti Rəcəb Tayyib Ərdoğan Rusiya Federasiyası və ABŞ prezidentləri Vladimir Putin və Barak Obama ilə Çində keçirilmiş G20 sammiti çərçivəsində Suriyanın şimalındakı vəziyyəti müzakirə etmək üçün əlavə danışıqlar aparıb.

"ABŞ və Rusiya başçıları ilə keçirilmiş ikitərəfli görüşlərdən sonra Ərdoğan onların hər biri ilə bir daha görüş keçirib... Türkiyə sərhəd rayonlarındakı terrorizm təhdidinin məhv edilməsi məsələsində tam dəstək alıb. Hazırda bu ərazini genişləndirmək lazımdır. Buna görə də müxalifət qüvvələri yeni-yeni ərazilər azad edərək Suriyanın içərisinə doğru irəliləyir.", - deyə Kalın bildirib.

O, əlavə edib ki, bugünkü hal nəzərə alınsa, İŞİD terror təşkilatı Türkiyə sərhədlərinə təhlükə yaratmır, belə ki, Türkiyə-Suriya sərhədi boyunca olan 90 kilometrlik sahə, hansına ki, daha əvvəl İŞİD nəzarət edirdi, o ərazilər artıq terrorçulardan azad edilib.

Kalın daha əvvəl bildirmişdi ki, Türkiyə Silahlı Qüvvələrinin Suriyanın şimalıdan İŞİD terror təşkilatına qarşı keçirdiyi "Fərat Qalxanı" adlı əməliyyatı Rusiya və ABŞ tərəfindən etirazlara məruz qalmayıb. O, həmçinin Ərdoğanın Rusiya Federasiyası və ABŞ liderlərinə Qurban Bayramına qədər  uzadılması şərti ilə 48 saatadək müddət üçün atəşkəs və Hələbdə hava zərbələrinin endirilməsinə dair təklifi haqda da xəbər verib.

Xatırladaq ki, Türkiyə ordusu avqust ayının 24-ü Suriyanın şimalında yerləşən Cərablus şəhərinin terrorçulardan azad edilməsi üzrə əməliyyata başlayıb. Əməliyyatın adı "Fərat Qalxanı"-dır.