ABŞ prezidenti Barak Obama və Türkiyə lideri Rəcəp Tayyip Ərdoğan arasında ikitərəfli danışqılar gələn ay Çində keçirilən G20 sammitində yer alacaq. Bizimyol.info “Reuters” agentliyinə istinadən xəbər verir ki, sentyabrın 4-5-də keçiriləcək bu tədbir zamanı Obamanın Vladimir Putinlə də qeyri-rəsmi görüşü ola bilər. Bu barədə agentliyə Ağ Evdən xəbər verilib. Məlumatda daha sonra bildirilir ki, Obama Ərdoğandan Türkiyədə baş vermiş iyul çevriliş cəhdindən sonra ölkədəki vəziyyət barədə məlumat alacaq.

Milli təhlükəslzik müşaviri Ben Rodes müxbirlərə deyib ki, bu görüşdə habelə İslam Dövləti adlandırılan qrupa qarşı mübarizənin vəziyyəti və Suriyada sülhün perspektivləri kimi məsələlər müzakirə olunacaq. Ağ Ev bildirib ki, Vaşinqton Türkiyənin Suriyanın şimalındakı kürd birləşmələrinə qarşı hücumlarından narazıdır. Son xəbərlərə görə Türkiyə ordusu ABŞ tərəfindən dəstəklənən Suriya Demokratik Qüvvələri üzərinə hücum əməliyyatları keçirib.