haberL haberR

Gülənin ekstradisiyası üçün ABŞ-a növbəti sorğu göndərilib

Kateqoriya: Siyasət Yayımlama tarixi: 02.08.2016 16:20:29

Türkiyə Ədliyyə naziri Bəkir Bozdağ bildirib ki, ölkə rəhbərliyi ABŞ-a Fətullah Gülənin ekstradisiyası üçün daha bir sorğu göndəriblər.
 
İslamazeri.az-ın Sputnik agentliyinə istinadən verdiyi xəbərə görə, Bəkir Bozdağ növbəti dəfə bildirib ki, Vaşinqton Fətullah Güləni təhvil verməkdən imtina etsə  ABŞ və Türkiyə münasibətləri mütləq şəkildə pisləşəcək.
 
Həmçinin nazir qeyd edib ki, Gülən dövlətin icazəsi olmadan ABŞ-dan çıxa bilməz.
 
Xatırladaq ki, iyul ayının 16-sı gecə saatlarında bir qrup qiyamçı Türkiyədə hərbi çevrilişə cəhd edib. Çevrilişin qarşısı dövlət tərəfindən alınıb. Ən son məlumatlara əsasən, toqquşmaların mərkəzinə çevrilmiş İstanbul və Ankarada qiyamçıları saymamaq şərti ilə 246 Türkiyə vətəndaşı həyatını itirib, 2 mindən çox insan isə yaralanıb. Daha əvvəl Türkiyə hakimiyyəti  çevrilişə cəhddə Güləni günahkar bilib və ABŞ-dan onun ekstradisiya edilməsini tələb edib. Gülənin özü isə bildirib ki, onun baş vermişlərə dəxli yoxdur və həmçinin əlavə edib ki, Türkiyəyə ekstradisiya edilməkdən qorxmur.
 
Bununla yanaşı, Gülən bazar ertəsi günü onun tərəfdarlarından kiminsə qiyamda iştirak etməsini istisna etməyib.
Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.