Gürcüstanda İmam Əli (ə) Xeyriyyə Fondu anım mərasimi keçirib-FOTO

Kateqoriya: Mərhəmət Yayımlama tarixi: 22.12.2014 10:22:17

“Ümum Gürcüstan Müsəlmanları Ali Dini İdarəsi”-nin (ÜGMADİ) tərkibində fəaliyət göstərən İmam Əli (ə) Xeyriyyə Fondu (İƏXF) Marneulinin mərkəzi məscidi olan İmam Əli (ə) məscidində Peyğembər (s)-ın vəfatı və İmam Həsən (ə)-ın şəhadəti münasibəti ilə anım mərasimi keçirilib.

İslamazeri.az-ın məlumatına görə, tədbir Höccətil islam Şeyx Hacı Hacıyevin moizəsi ilə başlayıb.

Şeyx Peyğəmbərin xidmətlərindən və ümməti üçün çəkdiyi əziyyətlərdən və o cümlədən İmam Həsən (ə)-ın ilahi missiyasından söhbət açıb.

Şeyx həmçinin bu gün də Peyğəmbərin və İmam Həsən (ə)-ın məzlumiyyətindən danışıb.

Şeyx qeyd edib: Bu gün Peyğəmbərin qəbrinin bağlanması və ümməti üçün ziyarətinin məhdudlaşdırılması və eyni zamanda İmam Həsən (ə) ın ziyarətgahının sökülməsi məsumlar üçün Ali Səud rejiminin zülmüdür. Məclisin davamında Əhli Beyt məddahı Kərbəlayi Rza rozə və mərsiyələrlə məclisin nuraniyyətini artırıb.
Məclisin sonunda ehsan süfrəsi olub. Ehtiyaclı 46 ailəyə ət payı verilib.