İslamazeri.az-ın verdiyi xəbərə görə, Gürcüstanın Dini Məsələlər üzrə Dövlət Agentliyinin sədri Zaza Vaşakmadze İmam Əlinin (ə)  təvəllüdü münasibəti ilə ölkə müsəlmanlarını təbrik edərək xoş arzularını çatdırıb. 
Qeyd edək ki, Agentlik yaranan gündən müsəlmanların dini bayramlarında iştirak edir, BGMİyə  təbrik məktubu göndərir, rəsmi saytlarında xoş arzularını çatdırır. Bundan öncə Hz. Fatimeyi Zəhranın (s.ə) da təvəllüdünü təbrik etmişdi. Artıq iki ildir ki, bu qrumun təşəbbüsü ilə hazırlanan dövlətin dini təqvimində müsəlmanları dini bayramları, Peyğəmbər (s) və imamların doğum günləri də qeyd olunur.
Gürcüstan Müsəlmanları İdarəsi də rəsmi olaraq diqqət, təbrik və xoş sözlərinə görə Dini Məsələlər üzrə Dövlət Agentliyinə təşəkkür və minnətdarlığımızı bildirib.