Kimlərsə bu hadisəni kitablardan oxuyur və ya hardansa eşidirsə, mən canlı şahidi olmuşam. O zaman mənim 15 yaşım var idi. Bəziləri dostlarını məktəb partalarında seçirdilərsə, mən dostlarımı meydanlarda tanıdım.  O zaman biz canımızla vətənə qulluq etməyə çalışırdıq. Əlimizdə olan hər bir vasitə ilə vətəni müdafiyə edirdik. 90-cı ildən bəri Qarabağda nəqədər şəhid varsa onların hamısını "20 Yanvar" şəhidlərinin qanı yetişdirib. Heç şübhəmiz yoxdur ki, Qarabağda canlarını verən qardaşlarımız da bundan sonra yüz minlərlə şəhid yetişdirəcəkdir.

Azərbaycan xalqının düşmənləri bilsinlər ki, biz hər zaman vətənin müstəqilliyi yolunda can verməyə hazırıq. Çünki bu bizim imanımızdan doğan vəzifədir. “Vətəni sevmək imandandır” hədisinə söykənərək daima bu yolda malımız və canımızla xidmət etməyə hazırıq. Necəki "20 yanvar" faciəsində yüzlərlə bacı və qardaşımız vətənin mütəqlillik və azadlığı uğrunda bunu etdilər.

Azərbaycan xalqı min illərdən bəri Fatimə balası Hüseynə matəm saxlayır. Bu xalqın damarının qan qrupu 1, 2, 3 deyil, Aşuradır, Kərbəladır. Kimlərsə qələbəni öldürməkdə bilirsə, biz bu cür hesab etmirik. Bəzən ölmək də qələbədir, necəki bunu Aşura qanın qılınca qalib gəlməsi ilə bizə öyrədir. Biz elə bir xalqıq ki, düşmən bizi öldürsə özü rüsvay olacaq. Çünki bizim xalqımz insan sevər, ədalətsevər və qonaqpərvər xalqdır. Bizim xaqı öldürən müsbət adam ola bilməz. Yaxşıların bizim xalqa nifərəti və kini ola bilməz. Fitrəti təmiz olanlar bizim xalqla mübarizə aparmaz və düşmənçilik etməz.

İlahi! Bizim ölkənin və bütün müsəlman ölkələrində öz sevdiyi canını, qanının rənginə boyamış və səni bu halına şahid tutmuş şəhidlərin hamısını bizim üçün duaçı və şəfaətçi et.

İlahi! Mənim baş sağlığımı "20 Yanvar" şəhidlərinin ailələrinə, həmçinin Qarabağda şəhid olmuş qardaşlarımın ailələrinə, bağlı qapılar arxasında olsamda yetir. Mənidə onların dərdinə şərik et. Çünkı mənim doğma qardaşım da bu yolda şəhiddir. Mən onları gözəl anlayıram.

Salam olsun cənnət cavanlarının ağası imam Hüseynə! Salam olsun şəhidlər karvanının başçısı olan imam Hüseynə!

Heç bir müsibət imam Hüseynin müsibəti kimi ola bilməz.

Mən Azərbaycanın şəhidsevər və azadlıqpərvər müsəlmanlarını şəhidləri ziyarət etməyə çağırıram. Bu ziyarət bizə milli kimliyimizi xatırladır.

Vəs sələmu ələykum və ələ ibədilləhis salehin.

Abgül Süleymanov

8 saylı QCM

20.01.2015