Bu gün isə ruhani əməliyyat olunub. Bu haqda ruhaninin həyat yoldaşı Zəhra Süleymanova islamazeri.az-a məlumat verib.

Onun sözlərinə görə, Hacı Abgül Süleymanov 16 gündür xəstəlikdən əziyyət çəkib: "Hacı Abgülün bağırsağında xəstəlik peyda olub. Lakin 8 saylı həbsxanada laqeydlik göstəriblər. Sonra daxili tibb məntəqəsinə göndərilib. Amma hacının vəziyyəti düzəlmək əvəzinə daha da pisləşib. Qanında zəhərlənmə olub və baş gicəllənmələri artıb. Bundan sonra, Ədliyyə Nazirliyin Penitensiar Xidmətinin Mərkəzi Müalicə Müəssisəsindən həkim gəlib, onu müayinə edib. Həkim dərhal onun Müalicə Müəssisəsinə köçürülməsini tələb edib. Hacı dünən axşam saatlarında Müalicə Müəssisəsinə köçürülüb. Bu gün səhər saatlarında isə əməliyyat olunub və düz bağırsağın ən aşağı hissəsində selikli qişanın altında yerləşən venoz damar toxumasının çirklənməsinin qarşısı alınıb. Hazırda Hacının səhhəti yaxşılaşmağa doğru gedir, lakin həkim nəzarətində saxlanılır. Bir müddət müalicə olunmalı və bədəni güclənməlidir".

Zəhra Süleymanova Ədliyyə Nazirliyin Penitensiar Xidmətinin Mərkəzi Müalicə Müəssisəsində həkimlərin ona yaxşı münasibət bəslədiyini qeyd edərək deyib: "Hacı Abgül Bəyalı doktorun adını xüsusi olaraq qeyd edib və ona öz təşəkkürünü bildirib".