haberL haberR

Hacı Abgül Süleymanovun səhhətində problemlər yaranıb

Kateqoriya: Ölkə Yayımlama tarixi: 17.03.2015 11:46:11 8402 dəfə oxunub.

"Hicab məhbusu Hacı Abgül Süleymanov ağrıdan ayağa dura bilmir"

Hicab məhbusu Hacı Abgül Süleymanovun səhhətində problemlər yaranıb.

 

Bu barədə islamazeri.az-a A.Süleymanovun vəkili Zaman Səmədov məlumat verib. O bildirib ki, A.Süleymanovun səhhəti heç yaxşı deyil. Onun mədə-bağırsaq xəstəliyindən əziyyət çəkdiyi bildirilir: "Hazırda A.Süleymanovla görüşə gəlmişik. Amma canındakı ağrılar səbəbindən bizlə görüşə gəlməyə imkanı olmadı. Onun mədə-bağırsaq orqanlarında ağrıları var. Hazırda yerdə yatır. O, heç ayağa da dura bilmir. Onun təcili şəkildə ixtisaslaşdırılmış xəstəxanaya köçürülməsi lazımdır. Hələ ki, məsələ ilə bağlı əngəllər var. Bu gün də həkim gəlib müayinə etməli idi, amma hələ ki həkim yoxdur, gəlməyib. Təcili olaraq, onun xəstəxana şəraitində müalicə olunması vacibdir. Məncə, həbsxana daxilində bu mümkün deyil. Yəni, onun xəstəliyi yüngül xəstəlik deyil ki, həbsxana şəraitində müayinə edilsin".

 

Vəkil qeyd edib ki, əvvəllər də A.Süleymanovun xəstəliyi ilə əlaqədar olaraq Ədliyyə Nazirliyi Penitensiar Xidmətinin Tibb Baş İdarəsinə müraciət edib. Amma onun müraciətinə qeyri-dəqiq cavab verilib: "Əvvəllər də digər xəstəliyi ilə əlaqədar olaraq Penitensiar Xidmətin Tibb Baş İdarəsinə müraciət etsək də, bizə dəqiq cavab vermədilər".

 

Xatırladaq ki, hicab məhbusunun bundan əvvəllər də digər xəstəliklərlə mübarizə aparmışdı. 

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.