Xəbər verdiyimiz kimi AİP-də kadr dəyişikliyi edilib. Hacı Elçin Manafov AİP-in sədr əvəzi  postundan istefa verib və səs çoxluğu ilə Hacı İlham Əliyev  bu vəzifəyə seçilib. Mövzu ilə bağlı İslamazeri.az “Müsəlman Birliyi Hərəkatı”nın sədri Hacı Tale Bağırzadədən münasibət alıb.

O rəhbərlik etdiyi təşkilatın əsas prioritetinin vəhdət olduğunu bildirərək deyib: “Müsəlman Birliyi Hərəkatı” olaraq əsas prioritetlərimizdən biri də bütün İslami təşkilatlarla, o cümlədən Azərbaycan İslam Partiyası, “Milli Mənəvi Dəyərlər” İctimai Birliyi ilə sıx əməkdaşlıq, vəhdət və səmimi birlik mühitinin yaradılmasıdır. AİP-də edilən yeni dəyişikliyə gəlincə, şübhəsiz ki, əlaqələrimiz daha da sıxlaşacaq və əməkdaşlığımız davam edəcəkdir. Ümidvarıq ki,  Hacı İlham Əliyevin AİP-in sədr əvəzi postuna seçilməsi partiyanın inkişafına səbəb olacaq və AİP-in qəhrəman  lideri Hacı Mövsüm Səmədovun düşüncələri  İslam Partiyasının idarəçiliyində əsas prioritetlərdən olacaqdır. ”