Azərbaycanda hava soyuyacaq temperatur düşəcək, yağış yağacaq.Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədovanın verdiyi məlumata görə, ötən günlər ərzində havanın temperaturu paytaxtda günorta saatlarında 33-34 dərəcə isti olmuşdursa, artıq 21-i və 22-də günorta saatlarında temperatur 25 - 28 dərəcə arasında dəyişəcək. Ötən günlərlə müqayisədə temperatur 5-8 dərəcə aşağı enəcək. Bölgələrdə də hava şəraiti yağıntılı keçəcək. Şimal küləyi əsəcək, arabir yağış yağacaq. Bəzi rayonlarda isə yağışın leysan xarakterli olacağı da ehtimal olunur. Gözlənilən qeyri-sabit hava şəraiti avqustun 23 gündüz saatlarınadək davam edəcək.(anspress)