İslamazeri.az-ın “Əl-Əxbar”-a istinadən verdiyi xəbərə əsasən, Livanın rəsmi telekanallarında livanlı vəhhabi lideri Əhməd əl-Əsirin yeni etirafları yayımlanıb.

Bir neçə müddət öncə Livan təhlükəsizlik xidməti tərəfindən saxlanılan Əhməd əl-Əsir belə bildirib: “İranın Livanda olan səfirliyinə hücum edən Ədnan Muhəmmədi tanıyıram. Müxtəlif qarşıdurmalardan sonra ölkənin “Hizbullah” və “Əməl” təşkilatlarının yüksək rütbəli məsullarına qarşı terror aktı planlaşdırmaq qərarına gəldim. Bunun üçün qruplar təyin olundu. Birinci qrup Fələstin vətəndaşı olan yaxınımın əli ilə kamil surətdə silahla təchiz olundu və müqavimət briqadalarının məsullarını hədəfə almaq üçün hazır vəziyyətə gətirildi."

İkinci qrupu ölkənin cənubuna yolladığını deyən terrorçu lider sözlərinə belə davam edib: "Hizbullah" və "Əməl" üzvlərinə qarşı sui-qəsd törədilməsi üçün ikinci qrup ölkənin cənubuna yollandı. Digər qruplar da müxtəlif bölgələrə gedərək binalara silahları yüklədilər. Şeyx Mahir Həmud “Hizbullah”-ın iki məsulu -  Zeyd Zahir və Muhəmməd Kosarani öldürmək istədiyimiz şəxslərdən idi."

Əl-Əsir sözlərinin sonunda ona edilən yardımlardan danışıb: "Mənim maliyyə baxımından bir çox dəstəkləyicim var və onların yalnız birindən 330 min dollar əldə etmişdim. Bundan əlavə televiziya kanalı açmaq üçün də 400 min dollar almışdım.”