“Hələ deyə bilmərik ki, yaraqlılar kütləvi şəkildə təslim olurlar. Lakin Səlahəddin və Şeyx Maqsuddan son bir neçə gündə onlarla silahlı çıxaraq təslim olub.”, – deyə bildirilir.

Ordu komandanlığının təklifini qəbul etmiş yaraqlılar nəzarət-keçid məntəqəsində silahları təvil verdikdən sonra, xüsusi-xidmət orqanlarının şöbələrinə göndəriliblər. Orada onlar, amnistiya alaraq dinc həyata dönməzdən əvvəl, bütün zəruri presodurları keçəcəklər.

Dinc sakinlər yerli hakimiyyət tərəfindən müəyyən edilmiş dəhlizlərdən  çıxmağa davam edirlər. Suriyanın rəsmi xəbər agentliyi olan "SANA"-ın məlumatına əsasən, şənbə günü səhər saatlarında onlarla ailə şərqi kvartalları tərk ediblər.

Bütün vətəndaşlar hakimiyyət tərəfindən xüsusi düzəldilmiş düşərgələrə göndəriliblər. Orada onlar ilkin tibbi baxışdan keçirilir və elə oradaca onlara müvəqqəti yaşayış yeri və qida təqdim olunur.

Cümə günü bildirilib ki, terrorçular bəzi kvartallarda 50 yaşadək olan kişilərə hərbi əməliyyatlar zonasını tərk etməyi qadağan ediblər, həmçinin terrorçular tərəfindən tutulmuş rayonları tərk etmək istəyən qadın və qocaların ünvanına da təhdidlər səslənib.

Bustan-əl-Kəsar kvartalı ərazisində  terrorçular müəyyən edilmiş humanitar dəhlizə atəş açıb, nəticədə 4 qadın yaralanıb.

Xatırladaq ki, cümə axşamı günü Rusiya Suriya höküməti ilə birgə, Hələb şəhərinin dinc əhalisinə yardım göstərmə üzrə  genişmiqyaslı humanitar əməliyyatın keçirilməsinə başlayıb. Rusiya müdafiə naziri Sergey Şoyqu bildirib ki, dinc sakinlərin və silahını yerə qoyaraq təslim olmaq istəyən yaraqlılar üçün şəhərdən çıxmağa 3 dəhliz yaradılacaq, həmçinin 1 dəhliz silahlı və texnikası olan yaraqlılar üçün yaradılacaq.